Көптеген жылдар бойы мұқият дайындық жұмыстарынан кейін 2023 жылы «САУТС- ОЙЛ» компаниясының ең ірі және маңызды нысандарының бірінде құрылыс жұмыстары басталды.
Бұл университеттің көпбейінді ауруханасы және Шымкенттегі клиникалық-диагностикалық орталық. Аурухана заманауи емдеуге жатқызудың талаптарына жауап беретін медициналық көмектің толық циклін қамтамасыз етеді, медициналық ғылымның озық жетістіктері негізінде пациенттерді емдеудің үздіксіз процесі және заманауи медициналық техниканы қолданады.
Ауқымды заманауи аурухана үшінші мегаполис үшін аса сұранысқа ие. Шымкент өсу үстінде, оңтүстікте дәстүрлі түрде туу деңгейі жоғары, Шымкент Астанадан кейінгі өсу қарқыны бойынша 2-ші орында.
Сонымен қатар, 2021 жылғы 1 қаңтардағы жағдай бойынша Шымкент қаласының Ден- саулық сақтау министрлігінің жүйесінде төсек-орынмен қамтамасыз ету 10 мың адамға шаққанда 40,7 құрады, бұл орташа республикалық көрсеткіштен 29%- ға төмен.
Сондықтан кейде пациенттер жоспарлы ауруханаға жатқызу немесе операция жасау үшін өз кезегін күтуге тура келеді. Жаңа аурухана ҚР оңтүстік өңіріндегі сапалы медициналық көмек мәселесін шешуге елеулі үлес қосады.
ЖОБА
«Оңтүстік»ҚСӨК» тобы «Шымкент қаласында ауысымына 700 келушіге арналған 800 төсек-орындық көп бейінді университеттік аурухана және клиникалық-диагностикалық орталық (емхана) салу» инвестициялық жобасын іске асыруда.
Тапсырыс беруші: «Қазақ инновациялық университеті» ЖШС
Бас мердігер: CHINA MACHINERY ENGINEERING CORPORATION
Жобалы құйым: CHINA IPPR INTERNATIONAL ENGINEERING CO.,LTD.
Жоба Шымкент қаласының Денсаулық сақтау инфрақұрылымын дамытудың 2026 жылға- дейінгі Өңірлік перспективалық жоспарына сәйкес іске асырылуда және ел Үкіметі бекіткен ҚР Денсаулық сақтауды дамытудың 2020- 2025 жылдарға арналған мемлекеттік бағдарламасына сәйкес келеді.
Құрылыс Шымкент қаласының Бозарық-2 шағын ауданында, мегаполис орталығынан шамамен 17 шақырым жерде жүргізілуде. Қызыл сызық шегіндегі жер учаскесінің ауданы-16.65 га, құрылыстың жалпы ауданы-125 000 шаршы метр. Жоба оның бастамашысы тартатын инвестордың қаражаты және жобалық-сметалық құжаттамаға және EPC-келісімшартқа сәйкес тартылған қарыз қаражаты есебінен іске асырылады.
EPC-контрактор ретінде Sinomach (Қытай) холдингінің құрамына кіретін, нысанның құрылысын «толық аяқталуын», сондай-ақ аурухананың болашақ қызметкерлерін жаңа жабдықты пайдалануға және нысанды басқаруға үйретуді қамтамасыз ететін China Machinery Engineering Corporation компаниясы болады.
ӨМІР САҚИНАСЫ
Жаңа аурухананың жоспарында архитектуралық ерекше ойды жеткізу көзделген болатын. Сақина тәрізденіп ортаға қарай тартылып тұрған конструктивті жүйе «өмір сақинасы» тұжырымдамасына негізделіп отыр.
Жаңа аурухананың жоспарлануы сәулет аясында ерекше мәнге ие. Сақина тәрізді ортаға тартқыш конструктивті жүйе «өмір сақинасы» тұжырымдамасына негізделген.
Амбулаториялық-емханалық бөлім, медициналық технологиялар аймақтары мен палаталар дәйекті түрде біріктірілген, бұл шексіз өмірді және оның ешқашан тоқтамайтын айналымын білдіреді. Дөңгелек көлік жүйесі архитектуралық формамен біріктірілген, бұл кеңістіктің жатықтығы мен қозғалыстың қол жетімділігін білдіреді.
ҚАНАТ ЖАЙҒАН БҮРКІТ
Ғимараттың кіреберісі қанатын жайған бүркіт түрінде орындалған. Жанды сәулет бейнесі көңіл-күйге жағымды әсер қалдырады. Тегіс көлденең сызықтық элементтер қанатын жайған бүркіт идеясын аша түседі, элементтер жазықтан үш өлшемді кеңістікке ауысады және бір-бірімен біріктіріледі.
Жобаны іске асыру заманауи жоғары технологиялық аурухана салуға және Шымкент, Түркістан облысы және еліміздің басқа да облыстарының тұрғындарына медициналық көмек көрсетудің жоғары сапасы мен қолжетімділігін қамтамасыз етуге мүмкіндік береді.
Жаңа медициналық мекемеде заманауи озық технологиялар мен ғылыми әзірлемелерді пайдалану, нәтижелерді практикалық денсаулық сақтауға трансфертпен, клиникалық және зертханалық ғылыми зерттеулер жүргізу жоспарланған.
Сондай-ақ, мұнда «Оңтүстік Қазақстан медициналық академиясы» АҚ базасында студенттер, интерндер және резидентура тыңдаушылары сапалы клиникалық даярлықтан өтеді.
Ғылыми зертханадан студенттік аудиторияға, науқастың төсегіне дейін бір ғана қадам. Осы қағида бойынша әлемде университеттік клиникалар жұмыс істейді. Бүкіл әлемде университеттік клиникалар денсаулық сақтау жүйесінің флагманы болып табылады. Университеттердің клиникаларында білім, ғылым және медициналық практика пациенттің игілігі үшін берік одаққа айналады.
Дәл осы клиникаларда ең озық емдеу және инновациялық диагностика шоғырланған. Мұнда дәрігерлер ғылыми-зерттеу жұмыстарымен айналысады, ал пациенттер емдеудің ең заманауи инновациялық әдістерін сезіне отырып, жаңалықтарға қатысады. Сонымен қатар, студенттерге медицина тұрғысынан ерекше қызықты операциялар мен манипуляциялар көрсетіледі, ал дәрістерді клиниканың практикадан өтуші дәрігерлері оқиды.
Университеттік клиникалар — медициналық жаңалықтар мен инновациялар орталықтары, бұл ғылым, білім және тәжірибе арасындағы ынтымақтастықтың ең тиімді нұсқасы. Мұнда медициналық көмек көрсету сапасын арттыруда, сондай-ақ дәрігерлік құрамның кәсіби деңгейін және аурухана үшін кадрларды білікті даярлауды арттыруда аурухананың дәрігерлік персоналы мен ЖОО-ның профессорлық-оқытушылық құрамының күш-жігері біріктірілді.
Әлемдегі қуатты университеттік клиникалар медицинада жаңа бағыттар жасайды, денсаулық сақтаудың барлық салаларында медициналық техниканы, дәрі-дәрмектерді, жаңа медициналық технологияларды дамытады.
Университеттің көпбейінді ауруханасының негізгі қызметі:
• Хирургиялық блок
• Акушерлік-гинекологиялық блок
• Педиатриялық блок
• Триаж жүйесі бойынша шұғыл қабылдау бөлімшесі
• Кіру тобымен жоспарлы қабылдау бөлімі
• Акушерлік блокқа арналған қабылдау бөлімшесі
• Педиатриялық блокқа арналған қабылдау бөлімі
• Анестезиология, реанимация және қарқынды терапия бөлімшелері
• Операциялық блок
• Күндізгі стационар
• 700 келушіге арналған консульта- тивтік-диагностикалық орталық (емхана)
• Әкімшілік блок
• Эндоскопия бөлімі
• Физиотерапия және ЕДШ бөлімі
• 12 төсек-орындық гемодиализ блогы
• Сәулелік және функционалдық диагностика бөлімшесі
• Ядролық медицина орталығы
• Клиникалық-диагностикалық зертханалар, микробиологиялық зертхана.
• Зарарсыздандыру бөлімі
• Аурухана дәріханасы және дәрі-дәрмек қоймасы.
Қосалқы бөлімшелер — кір жуу және дезинфекциялау бөлмесі, ас блогы және персоналға арналған қызметтік-тұрмыстық үй-жайлар, гардероб, асхана, мұрағат, гараж және санавиацияға арналған тікұшақ алаңы көзделген.
Студенттер мен интерндерге жағдай жасалатын болады — 60 оқу бөлмесі, екі аудитория, конференц-зал, оқу залы бар кітапхана және симуляциялық орталық қарастырылған.
Жаңа аурухананың заманауи жабдықтары қызмет көрсету саласын кеңейтуге, сондай-ақ дәрігерлердің кәсіби өсу мүмкіндіктерін едәуір жақсартуға мүмкіндік береді, бұл Қазақстанда осы уақытқа дейін көрсетілмеген медициналық көмекті көрсетуге мүмкіндік береді.
Жаңа медициналық мекемеде жаңа технологиялар, оның ішінде Цифрлық технологиялар белсенді қолданылатын болады.
Жаңа аурухананың ерекшеліктері:
• Электрондық кеңсе және электрондық медициналық карталар жүйесі
• Заманауи кеңсе жүйесі
• Медициналық бейнелеуді ақпараттық басқару жүйесі
• Озық медициналық жабдықтар
• Зертханалық ақпаратты басқару жүйесі
• Оң медициналық орта
• Пневматикалық құбырөткізгіш логисти- калық тарату жүйесі
• Тиімді логистикалық жүйе.
Университет клиникасы-бір емдеу мекемесінде бірнеше процестерді біріктірудің бірегей мүмкіндігі: кез келген күрделілік дәрежесіндегі медициналық көмек және кәсіби кадрларды даярлау.
Мұнда ең заманауи медициналық жабдықтар ғана емес, сонымен қатар ұтымды менеджмент, қаржыландыру және медициналық көмектің сапасын бақылаудың ең жақсы модельдері шоғырланған.
Бұл қазіргі заманғы әлемдік талаптарға сәйкес келетін ғылыми зерттеулер жүргізудің жаңа мүмкіндіктері, тәжірибеге инновациялық әдістерді енгізу, сондай-ақ бүкіл әлем бойынша жетекші ғылыми және емдеу мекемелерімен халықаралық ынтымақтастықтың жаңа көкжиектері болмақ.
Жоба 2025 жылға дейін іске асырылатын болады, мұнда 2200 маман жұмысқа орналасады. Жаңа клиника 10 жылда шамамен 21 млрд. теңге бюджетке салық аударымдар әкеледі.
