«САУТС-ОЙЛ» — 20 жыл бойы тек алға жылжу
Қазақстан Республикасының мұнай-газ саласы – өнеркәсіп өндірісінің өзекті саласы, экономиканы дамытудың негізі. Дәл осы сала негізінен елдің экономикалық тәуелсіздігін айқындайды, мұнай-газ кешені ЖІӨ төрттен бір бөлігін құрайтын республика бюджетіне салық түсімдерінің едәуір бөлігін қамтамасыз етеді. Көмірсутек шикізатының қомақты қорына ие бола отырып, Қазақстан мұнай мен газ өндіретін әлемнің жетекші 15 елінің қатарына кіреді. ҚР- да ірі трансұлттық корпорациялардан бастап шағын жеке компанияларға дейін 200-ге жуық мұнай өндіруші компания жұмыс істейді.
Қызылорда,Ұлытау облыстарында көмірсутек шикізатын барлаумен және өндірумен айналысатын «САУТС-ОЙЛ» мұнай-газ компаниясы. «САУТС-ОЙЛ» компаниясы «Оңтүстік» ҚСӨК ЖШС қатысуымен құрылды, ол жарғылық капиталдың ауқымды үлесіне ие (компанияның иелері С.Сейітжановтың отбасы болып табылады).
Бүгінгі таңда «САУТС-ОЙЛ» компаниясы Қазақстанның мұнай-газ нарығындағы ең табысты және қарқынды дамып келе жатқан кәсіпорындардың бірі болып саналады.
Компания мұнай және газ өндіру бойынша жұмыстардың барлық циклін қамтиды, кен орындары әзірлемесінің, соның ішінде өндірілуї қиын қорларды игерудің инновациялық әдісін әзірлейді және енгізеді. Экологиялық жобалар мен білім беруді қолдау және қызметкерлердің біліктілігін арттыру бағдарламаларына көп көңіл бөледі.
Кәсіпорын басшылығы өз жұмысының маңызды бөлігін әлеуметтік және қайырымдылық деп санайды. 20 жыл ішінде «САУТС-ОЙЛ» компаниясы халықтың өмір сүру сапасын арттыруға және аумақтарды дамытуға бағытталған бірқатар бағдарламаларды іске асырды
Бас кеңсе Шымкент қаласында орналасқан, компанияның Астана мен Қызылордада филиалдары бар. Қызылорда бөлімшесі 600 адамға арналған өндірістік базамен және мәдени-сауықтыру кешенімен жабдықталған. Бүгінгі таңда компанияда 890 адам жұмыс істейді. «САУТС-ОЙЛ» ЖШС – қандай да бір шетелдіктің қатысуынсыз, 100% қазақстандық компания.
Компания жұмыс істеген кезеңінде 10 мұнай- газ кен орны ашылды, Кеңлік, Оңтүстік – Батыс Қарабұлақ, Шығыс Ақшабұлақ, Ақтау, Есжан
– бес кен орны бойынша көмірсутек шикізатын өнеркәсіптік өндіру жүргізілуде, ал Қалжан, Солтүстік Ақшабұлақ, Батыс Ақшабұлақ, Солтүстік Кенлік және Бұхара кен орындарын- да оларды өнеркәсіптік өндіріске көшіру үшін алдын ала барлау жұмыстары жүргізілуде. Өз қызметінің басынан бастап компания 9,371 млн. тонна мұнай және 745,250 млн. м3 газ өндірді, 389 ұңғыма бұрғыланды.
Ұзақ жылдар бойы «САУТС-ОЙЛ» компаниясымен «Мұнай Құрылы Сервис» ЖШС, «Smart Oil» ЖШС сияқты компаниялар жемісті ын- тымақтасып келеді, олардың бас құрылтайшы- сы «Оңтүстік» ҚСӨК ЖШС болып табылады.
Компанияның дамуы кезең-кезеңмен жүрді. 1999 жылы «Мұнай Құрылыс Сервис» көп- бейінді құрылыс компаниясы ашылды, 2007 жылы «Smart-Oil» бұрғылау компаниясы өз қызметін бастады, ол құрылған сәттен бастап «САУТС-ОЙЛ» ЖШС үшін барлау және іздеу ұңғымаларын бұрғылауды жүзеге асырады және ұңғымаларды күрделі жөндеуді жүзеге асырады.
Компания 20 жыл бойы ел игілігі үшін жұмыс істейтін қалалар мен ауылдардың, сондай-ақ республикалық деңгейдегі қалалардың өмірін жақсарта отырып, дәл, жергілікті бағыттағы әлеуметтік инвестициялық жобалар саласында жұмыс істейді. Бұл мәдениет пен спорттан бастап, руханиятты жандандыру жобаларына дейін – өмірдің көптеген салаларына қатысты.
Компания бизнес стратегиясына орнықты даму және әлеуметтік жауапкершілік қағидаттарын дәйекті түрде біріктіреді, өңірлердің әлеуметтік мәселелерін шешуге белсенді қатысады, жыл сайын әлеуметтік саланы дамытуға өндіру шығындарының 3% ын бөледі.
Мұнай саласын әртараптандыру – бұл әлемдік процесс, жетекші мұнай компаниялары тұрақсыз жағдайларға жауап бере отырып, олар үшін жаңа, бірақ болашақта перспективалы экономика салаларына қарай жылжып, өз бизнесін өзгертуге ұмтылады.
Қазақстандағы мұнай өндіру саласының жаңа, ауқымды саласының пионері «САУТС-ОЙЛ» ЖШС болды. «САУТС-ОЙЛ» компаниясы да, оның еңбек ұжымы да үздіксіз даму және өсу қағидаттарын ұстанады және өз қызметкерлерінің бастамаларын көтермелеп отырады. Оған айқын мысалдардың бірі — тақтатас мұнайы мен газды барлау және өндіру жобасын жүзеге асыру.
«САУТС-ОЙЛ» геологиялық қызметі мұнай тудырушы қабаттардың мұнай-газдылық перспективалылығын растау үшін әртүрлі геологиялық ақпаратты жинау және өңдеу бойынша жоспарлы және қажырлы жұмыс жүргізді. Жұмысқа шетелдік ғылыми-зерттеу институттары, атап айтқанда «РН БашНИПИнефть» тартылды.
Дөңгелек үстел жұмысы және «САУТС-ОЙЛ» ЖШС геология және кен орындарын игеру бойынша вице-президент Мухаметрахимов Шайхан Қайратұлының баяндамасын одан әрі талқылау барысында кеңестің барлық қатысушылары атқарылған жұмыстарға бір мәнді оң баға берді.
Дөңгелек үстелді өткізуге қатысқан сенаторлар ҚР жер қойнауын пайдалану саласындағы қолданыстағы заңнамасына «дәстүрлі емес көмірсутектер» ұғымын енгізу туралы бастама көтерді.
«Қазақстан Республикасының кейбір заңнамалық актілеріне электр энергетикасы, энергия үнемдеу және энергия тиімділігін арттыру, жер қойнауын пайдалану, жергілікті мемлекеттік басқару, мемлекеттік шекара, тұрғын үй-коммуналдық шаруашылық және ғылым мәселелері бойынша өзгерістер мен толықтырулар енгізу туралы» 2022 жылғы 30 маусымдағы ҚР Заңымен «Жер қойнауы және жер қойнауын пайдалану туралы» Қазақстан Республикасының Кодексіне «тақтатас мұнайы», «тақтатас газы», «табиғи битум», «көмір қабаттарының метаны» және «газ гидраттарынан алынатын газ» түсініктерін қамтитын «дәстүрлі емес көмірсутектер» ұғымы енгізілді.
2023 жылғы 2 ақпанда Индустрия және инфрақұрылымдық даму министрінің м. а. № 71 бұйрығымен кен орындары мен болжамды ресурстар қорларын жіктеу әдістемесі, Шымкент қаласында «САУТС-ОЙЛ» ЖШС ұйымдастырған жұмыс кездесуінің қорытындысы бойынша «САУТС-ОЙЛ» ЖШС және түрлі зерттеу институттары қызметкерлерінің бірлескен күш-жігерімен әзірленген пайдалы қазбалар қорларын, оның ішінде дәстүрлі емес көмірсутектерге жататын қорларды есептеу жөніндегі нұсқаулық бекітілді.
20 жыл ішінде компания көптеген беделді халықаралық компаниялармен ынтымақтасатын, мемлекеттік-жеке әріптестік жобаларын жүргізетін, қатысу өңірлерін дамы- туға инвестициялар тартатын ірі кәсіпорынға айналды.
Компанияның 20 жылдығы дамудың тағы бір кезеңі болды – биыл «Серікжан Сейітжанов атындағы қоғамдық-қайырымдылық қоры» құрылды. Қордың негізгі міндеті – білім беру жобаларын жан-жақты қолдау.
Ұрпақтар сабақтастығы осылай құрылады емес пе – жастар ата-бабалардың даналығын бойына сіңіреді, олардың тәжірибесін жаңа трендтер мен инновацияларды ескере отырып қайта қарастырады және елді дамытуды жалғастырады.
