Компания қанаты
2010 жылы «САУТС-ОЙЛ» ЖШС компаниясында қазақстандық кіші авиация қауымдастығының қолдауымен авиабөлім ұйымдастырылды. Жұмыс ЖМА – жалпы мақсаттағы авиация саласында жүрді. Жалпы мақсаттағы авиация-жеке немесе заңды тұлғалардың меншігіндегі және жолаушыларды, багажды, жүкті және пошта жөнелтілімдерін тасымалдау және ұйымның басқа да қажеттіліктерін орындау мақсатында пайдаланылатын азаматтық авиация.
Мұнай компаниясында авиация қызметкерлерді тасымалдау, жүктерді жеткізу, жұмыстарды жедел орындау және басқа да шұғыл істерді шешу үшін қолданылады. 2017 жылы авиация бөлімі авиациялық жұмыстарды орындау кезінде коммерциялық қызметке сертификат алды және «САУТС-ОЙЛ» ЖШС авиация департаменті болып өзгертілді. Департамент басшысы – Мұсаев Қуанышбек Әшірбекұлы. Бүгінде бөлімде 12 қызметкер жұмыс істейді, олардың ішінде бес ұшқыш және төрт инженер бар.
Компания француздық ЕС-130Т2 шығарған екі тікұшақты пайдаланады. Жоғары деңгейдегі жайлылық, ұшу және пайдалану сипаттамасы бұл модельді өте танымал етті.
Бұл патрульдеуден әуе туризміне және VIP тасымалдауға дейін әртүрлі тапсырмаларды орындауға арналған кең жеті орындық тікұшақ.
Модельді кез-келген ауа температурасында, күрделі климаттық жағдайларда пайдалануға болады.
Авиация департаменті жақын арада тікұшақ паркін кеңейтуді жоспарлап отыр. Шағын авиация қызметтері сұранысқа ие және авиация департаменті ішкі міндеттерден басқа, тапсырыс берушілер үшін коммерциялық рейстерді орындай алады.
Авиация департаменті өз жұмысын жоғары деңгейлі ұшу қауіпсіздігін сақтап орындайды және дамуын жалғастыруда.
